MTRiders

由香港五間公共交通運輸機構(港鐵、九廣鐵路、九巴、城巴及新巴)持有嘅八達通卡有限公司，其所推出嘅非接觸式智能卡已面世接近二十年，多年黎為本地市民提供現金以外嘅小額付款方式。由士多、公共交通工具以至屋苑門禁系統，我地都經常見倒八達通如何應用於生活之中，所以可謂相當成功。 另一方面，全球各地陸續興起流動支付服務。Apple，Google 等大型企業與實體信用卡發行機構達成協議，喺確保安全可靠嘅大前提下，將信用卡以虛擬方式儲存喺旗下流動裝置裡面。自此，手機同銀包兩個個體逐漸二合為一。雖然八達通喺香港市場佔有率依然極高，但面對眾多主打「無卡」嘅新冒起對手進入本地市場，往後支付服務嘅營商環境會增添更多變數。我地認為八達通係時候為推出下一代產品作出構思，貫徹「令生活更輕鬆」的宗旨。 參考圖中概述，由JR東日本發行嘅Suica非接觸式智能卡，其產品開始喺2016年尾與Apple Pay合作，將Suica智能卡「全面無卡化」，內嵌於配備Felica晶片之新一代iPhone及Apple Watch。用戶毋需事先喚醒屏幕同預先開啟任何應用程式，只需好似平時使用實體卡般「拍一拍」，即可完成交易。 除左現有已推出嘅八達通流動電話卡外，八達通公司可借鑒日本方面嘅成功案例，將智能卡以合作形式進入流動支付服務。例如，全新設計八達通app可以讓用家以線上形式，為已加入流動裝置嘅虛擬卡增值、啟動學生身份，或購買鐵路公司月票等等。長遠而言，更可以將O! ePay賬戶戶口與八達通戶口整合，令用家可使用更為便捷的P2P轉賬功能。 事實上，八達通公司擁有多年非接觸式智能卡收費系統嘅營運經驗。若果公司能夠把握時機，儘早實現「全面無卡化」，此項變革不單對企業鞏固香港市場有著重要意義，更使香港流動支付服務進一步邁向普及。 延伸閱讀： 1. MTR Service Update 未來為你的旅途 – 鐵路願景 https://goo.gl/VmEPh2 2. 香港至 Top 手機資訊網站 Eprice.HK iPhone 7 兼容 Felica 技術 未來八達通或可配 Apple Pay 使用 https://goo.gl/vN0a27 3. iMoney 智富雜誌 假如Apple Pay支援八達通 https://goo.gl/QC24K7 4. UNWIRE.H

港鐵各行車綫(包括前地鐵及前九廣鐵路網絡)裡面，主要有三種信號系統原則(重點並非信號系統之品牌)，分別係： 區間閉塞 (Fixed Block) 準移動閉塞 (Distance-To-Go) 移動閉塞 (Moving Block) 我地盡力將內容用最簡潔形式，配以示意圖表達予各位。如果資料有任何錯漏，請大家唔好客氣作出指點。 區間閉塞，意指由軌道電路(Track Circuit)劃分區間，而同一區間於同一時間只可以被一列列車佔用，區間佔用情況亦會反映喺沿綫信號燈上。基於安全考量，喺列車佔用區間嘅前一個區間，亦會作為額外安全距離，以防列車衝過首個紅色示象就同前面列車發生碰撞。現時，迪士尼綫及行駛於東鐵綫路段嘅中方城際直通車均有採用區間閉塞原則。 準移動閉塞原則之下，軌道電路依然存在，加上配合列車自動控制系統(ATC，包括列車自動保護系統ATP及列車自動運行系統ATO)，信號燈喺本原則下只會顯示紅色同藍色示象，列車司機可以根據駕駛室信號提供嘅目標速度行車。 上述原則減少左列車之間相隔嘅距離，不過因為計算可前進距離嘅數據，繼續依賴軌道電路佔用情況，令部分軌道空間得物無所用。例如處於 軌道電路1 嘅中期翻新列車，可前進距離只包括冇任何列車佔用嘅 軌道電路2 範圍，但因前車未「完全」離開 軌道電路3，區間仍然處於被佔用狀態(冇錯，當仲有一個轉向架喺 軌道電路3 上面，都算佔用整個區間)，所以就只可以駛到 軌道電路2 就要停低。 移動閉塞下，行車綫上不再需要劃分軌道電路，列車可前進距離完全基於前車嘅位置，令每列列車之間只需保留最短剎車同安全距離，從而用盡以往於準移動閉塞原則下未被充分使用嘅軌道電路空間。示意圖中可見，基於移動閉塞原則運行嘅列車密度，比以往兩個原則更勝一籌。 應用移動閉塞原則嘅例子，不得不提2003年通車的 #九廣西鐵(現西鐵綫)。當年，世界上尚未有任何重鐵路綫使用Seltrac移動閉塞信號系統行車，而九鐵卻進取地將其套用喺旗下路綫上，其成功令該系統獲得各國鐵路機構所青睞。 現時各行車綫所使用之信號系統原則如下： 區間閉塞： #迪士尼綫 東鐵綫(中方城際直通車) 準移動閉塞： 荃灣綫、觀塘綫、港島綫、 將軍澳綫、東涌綫、#機場快綫， 東鐵綫(本地列車及「九廣通」城際直通車) 移動閉塞： 西鐵綫、馬鞍山綫