MTRiders

香港高鐵現已通車，前往中國北京及上海嘅行車時間大幅縮短，相關客源陸續轉移。不過，礙於高鐵走綫唔途經廣州東站，廣九直通車服務仍有明顯需求。換句話，東鐵綫須繼續騰出空間予城際直通車行走，本地列車班次將繼續受限。中國贛深高鐵出現，話唔定可以改寫上述局面？ 興建中嘅贛深高鐵全長436.124公里，由贛州西站連接深圳北站。項目其一重點，係將會建造與廣深鐵路呈十字形連接嘅塘廈交匯處。當中細分為兩組聯絡綫： 東南雙向聯絡綫 連接至深圳方向之車站 西北雙向聯絡綫 連接至廣州東方向之車站 聯絡綫唔單止令高鐵列車能夠駛至深圳站；屆時，所有來往中國同香港嘅跨境列車可改於香港西九龍一併處理。對於城際直通車有確切需要，由紅磡改以香港西九龍為終點站，又或者由香港出發嘅高鐵列車直接前往廣州東站而言，西北聯絡綫有著相當於羅湖分岔綫嘅關鍵作用。 未來，東鐵綫理應毋須再分擔城際列車服務嘅責任，繼而集中火力提更頻密嘅本地通勤列車班次。 參考資料： MTR Service Update 廣深港高速鐵路香港段 metroride.hk/XRLintro MTRiders 城際直通車駛經羅湖站的安排 https://goo.gl/WpFmwJ