MTRiders

高鐵通車後，前往中國北京同上海嘅行車時間將會大幅縮短，相關客源會轉移至高速鐵路服務。不過，礙於高鐵走綫唔途經位於市中心嘅廣州東站，廣九直通車 服務仍有明顯需求。換句話，東鐵綫須繼續騰出空間予 #城際直通車 行走，本地列車班次將繼續受限。中國贛深高鐵出現，話唔定可以改寫上述局面？ 預計於2020年完工嘅贛深高鐵全長436.124公里，由贛州西站連接深圳北站。項目其一重點，係將會建造與 #廣深鐵路 呈十字形連接嘅塘廈交匯處。當中細分為兩組聯絡綫： 東南雙向聯絡綫 連接至深圳方向之車站 西北雙向聯絡綫 連接至廣州東方向之車站 聯絡綫唔單止令高鐵列車能夠駛至 #深圳 站；屆時，所有來往中國同香港嘅跨境列車可改於西九龍總站一併處理。對於城際直通車有確切需要，由 #紅磡 改以西九龍總站為終點站，又或者由香港出發嘅高鐵列車直接前往廣州東站而言，西北聯絡綫有著相當於 #羅湖分岔綫 嘅關鍵作用 或許未來，東鐵綫毋須再分擔城際列車服務嘅責任。搖身成為 #南北綫 後，能集中火力提供頻密嘅通勤列車班次 參考資料： MTR Service Update #廣深港高速鐵路香港段 metroride.hk/XRLintro MTRiders 城際直通車駛經羅湖站的安排 https://goo.gl/WpFmwJ